წინასაარჩევნო პროგრამების პრეზენტაცია საგარეჯოში - 2016 წლის საპარლამენტო არჩევნები

არჩევნები: 2016 წლის საპარლამენტო არჩევნები

სექტემბერი 15, 2016

დღეს, 15 სექტემბერს 12 საათზე, საგარეჯოს დემოკრატიული ჩართულობის ცენტრში, ეკონომიკური პოლიტიკის კვლევის ცენტრის (EPRC) ორგანიზებით და აშშ საელჩოს მხარდაჭერით, გაიმართა საჯარო დისკუსია 2016 წლის საპარლამენტო არჩევნებში მონაწილე პოლიტიკური პარტიების სოციალური და ეკონომიკური პროგრამების შესახებ.

შეხვედრაზე პარტიის „თვისუფალი დემოკრატები“ ეკონომიკური და სოციალური პროგრამას წარმოადგინა ბატონმა გოჩა ჩერქეზიშვილმა, ერთიანი ნაციონალური მოძრაობის პროგრამა ბატონმა ზურაბ ჭიაბერაშვილმა,ხოლო ქართული ოცნება-ერთიანი საქართველო მხრიდან ბატონებმა აკაკი ზოიძემ და კახა კუჭავამ.

შეხვედრა გაიმართა ეკონომიკური პოლიტიკის კვლევის ცენტრის პროექტის „ინფორმირებული ამომრჩეველი საარჩევნო ანგარიშვალდებულების გასაუმჯობესებლად“ ფარგლებში, რომელიც აშშ საელჩოს მცირე გრანტების პროგრამის მხარდაჭერით ხორციელდება.